Lotus kynnir stóra tækniuppfærslu í Kóreu

Lotus-liðið ætlar gera harða atlögu að sigri í síðustu mótum ársins og ætlar að kynna stóra tækniuppfærslu í næsta Formúlu 1-kappakstri í Kóreu. Þeir segja möguleika Kimi Raikkönen á betri árangri stóraukast.

Liðið mun notast við svokallað Coanda-púst. Nýju útfærslunni er stillt þannig upp að heita loftið frá vélinni eykur loftflæði umhverfis bílinn og skapar meira niðurtog.

James Allison, tæknistjóri liðsins, segir breytingarnar vera róttækar og miðaðar að því að herða atlöguna að mótsigrum í síðustu fimm mótum ársins. „Uppfærslan í Kóreu verður stórt skref framávið og hefur nýtt tímabil hjá okkur í baráttunni."

Prófanir á nýju útfærslunni í vindgöngum hafa reynst mjög vel og gefa góða von um betri árangur. Brautin í Kóreu eru mjög hröð, með tveimur löngum beinum köflum og hröðum beygjum í bland við hægari og tæknilegri. Bætt loftflæði gæti því vel verið það sem Lotus-liðið vantaði.