100 milljónir króna í Sandvíkursetur á Selfossi

Í dag var undirritaður samningur Sveitarfélagsins Árborgar og Háskólafélags Suðurlands og Fræðslunets Suðurlands um leigu þeirra á Sandvíkursetri á Selfoss. Um er að ræða fræðslusetur þar sem fjölbreytt starfsemi verður í 1620 fermetra húsnæði.

Auk Fræðslunetsins og Háskólafélagsins verður Markaðsstofa Suðurlands, Réttargæslumaður fatlaðra á Suðurlandi og Rannsóknarsetur Háskóla Íslands m.a. í húsinu. Um er að ræða 10 ára leigusamning. Fram kom í máli Eyþórs Arnalds, formanns bæjarráðs Árborgar að sveitarfélagið munu leggja 100 milljónir króna í endurbætur á húsinu en húsið þjónaði áður starfsemi Vallaskóla á Selfossi.