Button á ráspól í Belgíu í fyrsta sinn fyrir McLaren

Breski ökuþórinn Jenson Button mun ræsa fremstur í belgíska kappakstrinum á morgun. Tímatökunni lauk rétt í þessu og skilaði hún óvanalegum niðurstöðum.

Button hafði mikla yfirburði í tímatökunum og skákaði öllum keppinautum sínum með 0,3 sekúnta forskot. Þetta er í fyrsta sinn síðan í Mónakó árið 2009 sem Button nær ráspól. Þetta er einnig fyrsti ráspóllinn sem hann nær í McLaren-bíl. Um helgina er hann að taka þátt í 50. móti sínu fyrir liðið.

Kamui Kobayashi á Sauber mun ræsa annar. Það er í fyrsta sinn sem hann ræsir í fremstu línu og besti árangur Japana í tímatökum í Formúlu 1. Á eftir Kobayashi ræsir Pastor Maldonado á Williams-bíl en hann var fljótastur í fyrstu lotu tímatökunnar.

Efsti maður í titilbaráttunni, Fernando Alonso á Ferrari, mun ræsa sjötti á eftir Kimi Raikkönen og Sergio Perez. Mark Webber á Red Bull ræsirsjöundi en liðsfélagi hans, Sebastian Vettel, komst ekki upp úr lotu 2 og ræsir ellefti.

Lewis Hamilton, liðsfélagi Buttons hjá McLaren, ræsir áttundi.

Rásröðin í belgíska kappakstrinum

	Ökumaður	Lið	Tími	Bil
1	Jenson Button	McLaren/Mercedes	1'47.573	-
2	Kamui Kobayashi	Sauber/Ferrari	1'47.871	0.298
3	Pastor Maldonado	Williams/Renault	1'47.893	0.32
4	Kimi Räikkönen	Lotus/Renault	1'48.205	0.632
5	Sergio Pérez	Sauber/Ferrari	1'48.219	0.646
6	Fernando Alonso	Ferrari	1'48.313	0.74
7	Lewis Hamilton	McLaren/Mercedes	1'48.394	0.821
8	Romain Grosjean	Lotus/Renault	1'48.538	0.965
9	Paul Di Resta	Force India/Mercedes	1'48.890	1.317
10	Sebastian Vettel	Red Bull/Renault	1'48.792	1.219
11	Nico Hülkenberg	Force India/Mercedes	1'48.855	1.282
12	Mark Webber	Red Bull/Renault	1'48.392	0.819
13	M.Schumacher	Mercedes	1'49.081	1.508
14	Felipe Massa	Ferrari	1'49.147	1.574
15	Jean-Eric Vergne	Toro Rosso/Ferrari	1'49.354	1.781
16	Daniel Ricciardo	Toro Rosso/Ferrari	1'49.543	1.97
17	Bruno Senna	Williams/Renault	1'50.088	2.515
18	H.Kovalainen	Caterham/Renault	1'51.739	4.166
19	Vitaly Petrov	Caterham/Renault	1'51.967	4.394
20	Timo Glock	Marussia/Cosworth	1'52.336	4.763
21	Pedro de la Rosa	HRT/Cosworth	1'53.030	5.457
22	Charles Pic	Marussia/Cosworth	1'53.493	5.92
23	Nico Rosberg	Mercedes	1'50.181	2.608
24	N.Karthikeyan	HRT/Cosworth	1'54.989	7.416