Tóm hús valda hættu

Hætta stafar af tómum húsum þar sem hústökufólk hefur hreiðrað um sig. Slökkviliðsstjóri segir að slíkum húsum gæti hafa fjölgað í úthverfunum höfuðborgarinnar og hvetur almenning til að vera vakandi fyrir hættu sem af þeim getur stafað.

Slökkviliðsstjóri segir eigendur húsa í miðbænum árbygari en áður þegar kemur að eldvörnum en var fyrir hrun. Í apríl 2008 hafi bráð hætta stafað af 68 eignum. Nú séu þær sautján. Hins vegar séu vísbendingar um að vandinn hafi færst úr miðbænum.

Þannig sögðum við frétt í liðinni viku frá þrettán og fjórtán ára gömlum fíkniefnaneytendum sem höfðu komið sér fyrir í yfirgefnu húsi í Borgartúni. Búið er að loka fyrir dyr á því húsi og vonast Jón Viðar Matthíasson slökkviðlisstjóri höfðborgarsvæðisins til þess að það muni duga þar til nýr eigandi fer að vinna að endurbótum.

Hér á Vatnstíg er hús sem bæði hefur komist í fréttir vegna hústökufólks og bruna. Þó ekki sé það fallegt segir hann það gott dæmi um góðan frágang eiganda. Gluggar eru byrgðir og hlið fest fyrir innkeyrslur. Það kemur í veg fyrir að hústökufólk komist inn og dregur þar með úr eldhættu

„Varðandi miðbæinn þá hafa eigendur tekið sig virkilega á og miklar breytingar orðið hér á svæðinu. Húsnæði er komið í aðra notkun. Húsnæði sem var í niðurníðslu árið 2008 er nú jafnvel orðnar blómlegar verslanir og falleg á að líta. Það er náttúrulega mjög jákvætt," segir Jón Viðar, slökkviliðsstjóri.

Svokallaður Hjartareitur hefur verið talsvert í fréttum undanfarin ár, af húsunum í nágrenni hans stafaði mikil eldhætta um tíma og kviknaði í oftar en einu sinni og kostaði einn bruninn mann lífið.

Jón Viðar segir reitinn í raun hafa verið kveikjuna að því að slökkviliðið fór að taka málin föstum tökum.

„Þegar við komum í eldsvoða verðum við alltaf að leita inn í húsi eins og það sé einhver inni. Við fundum einn einstakling sem hafði komið sér fyrir og náðum að koma honum út. Þegar við vorum búnir að slökkva og reyklosa sáum við að búið var að gera gat í gólf og handrið á stigagöngum voru farin þannig við vorum í raun og verum í töluverðri hættu líka," segir Jón

Hann segir að erlendis hafa menn stigið það skref að hreinlega fara ekki inn í svona hús enda hafi þau kostað líf slökkviliðsmanna í gegnum tíðina.

„Þetta hefur skánað mikið og við sjáum að hús hér í miðborginni sem við höfðum áhyggjur af áður eru orðin blómleg. En aftur á móti er spurning um hvort þetta er að færast úthverfin. Fólk þarf bara að vera vakandi fyrir þessu og láta heyra frá sér og þá er burgðist við en ábyrgðin er eigandans," segir Jón.