Óléttar konur eiga ekki að borða fyrir tvo

Sagan segir að óléttar konur eigi að borða fyrir tvo en staðreyndirnar tala öðru máli. Fjallað er um málið á fréttamiðli BBC.

Sannleikurinn er sá að konur ættu aðeins að borða 340 kaloríum meira en venjulega á fyrri hluta meðgöngunnar og 452 kaloríum á síðari hlutanum samkvæmt tölum frá Lyfjastofnun Bandaríkjanna. Það er í raun ekki meira en tvö egg aukalega á fyrrihluta meðgöngunnar og tvö súkkulaðikex og hvítlauksbrauð á seinni hlutanum. Það er því ofsögum sagt að þær eigi að borða fyrir tvo.

Sú ímyndun að konur geti borðið skefjalaust magn matar meðan þær ganga með hefur skilað sér í að þriðjungur kvenna þyngist óhóflega á meðgöngunni. Oft eiga þær erfitt með að létta sig á ný enda gjarna erfitt að venja sig aftur á að borða bara fyrir einn.