Of monsters and men með nýtt myndband

Nýtt tónlistarmyndband með hljómsveitinni Of Monsters and Men kom út í gær. Myndbandið er við lagið "Little Talks" og er aðgengilegt á vefsíðu sveitarinnar. Tveir tenglar eru á myndbandið á síðunni, einn fyrir notendur á Íslandi og annar fyrir notendur sem staddir eru erlendis.

Á Facebook-síðu sveitarinnar er beðist velvirðingar á því að í sumum löndum er lagið ekki aðgengilegt, en verið sé að vinna að lausn á vandamálinu. Of Monsters and Men heldur svo vestur um haf í vor til að kynna nýja plötu sem kemur út í Bandaríkjunum og Kanada 3. apríl næstkomandi.