Egill aftur kærður fyrir nauðgun

Önnur kona hefur kært Egil „Gillzenegger" Einarsson fyrir nauðgun, samkvæmt því sem kemur fram á fréttavef Ríkisútvarpsins. Þar segir að konan hafi farið til lögreglu í dag og lagt kæruna fram.

Björgvin Björgvinsson, yfirmaður kynferðisbrotadeildar lögeglunnar, vildi ekki staðfesta frétt RÚV í samtali við Vísi nú fyrir stundu.

Greint var frá því 2. desember á síðasta ári að Egill og unnusta hans hefðu verið kærð fyrir brot gegn átján ára stúlku. Sama dag neitaði hann sök í yfirlýsingu sem hann sendi fjölmiðlum. Það mál er nú á borði ríkissaksóknara sem mun taka ákvörðun um það á næstu vikum hvort að ákæra verði gefin út í málinu.