Pétur Blöndal: Siðlausir vildarpunktar

Pétur H. Blöndal, þingmaður Sjálfstæðisflokksins, segir að vildarpunkta flugfélaga vera ósiðlega. Pétur vekur athygli á málinu á Facebook-síðu sinni.

Þeir sem ferðast erlendis á vegum vinnuveitanda síns fá vildarpunktana skráða á sitt nafn og geta nýtt sér þá til persónulegra nota. Þannig geta opinberir starfsmenn, sem fara í vinnuferð, fengið vildarpunktana á sitt nafn, jafnvel þótt að vinnuveitandinn greiði fyrir ferðina.

Pétur segir að launagreiðandinn, oft ríki eða sveitarfélag, greiði fyrir þá en launþeginn fái þá, skattfrjáls að því virðist. Punktarnir skaði því samkeppni, séu siðlausir og auki þörf fyrir skatta.

Að lokum segir Pétur að karlmenn fái oftar flug en konur og því vaxi launamunur kynjanna. Taka skal fram að telja skal vildarpunktana fram til skatts, samkvæmt ríkisskattstjóra.

Mörður Árnason vakti athygli á málinu á Alþingi á mánudag. Hægt er að sjá umræðuna á vef Alþingis.