Katrín Jakobsdóttir stefnir á fyrsta sætið í Reykjavík

Katrin Jakobsdóttir hefur ákveðið að taka þátt í forvali Vinstrihreyfingarinnar- græns framboðs framboðs í Reykjavík sem fram fer þann 24. nóvember og gefur kost á sér í fyrsta sæti í öðru hvoru Reykjavíkurkjördæminu.

Katrín hefur setið á þingi síðan 2007 og gegnt embætti mennta- og menningarmálaráðherra síðan 2009.

"Verkefnið sem nú blasir við er að halda áfram uppbyggingu landsins og mín sannfæring er sú að það verði best gert undir merkjum jöfnuðar, réttlætis og sjálfbærni. Ég vil gjarnan halda áfram að taka þátt í þeirri vinnu og mun gera það af krafti ef kjósendur treysta mér til þess," segir Katrín í tilkynningu um framboð sitt.