Íslensku barnabókaverðlaunin veitt í dag

Íslensku barnabókaverðlaunin verða afhent miðvikudaginn í dag klukkan hálf tólf. Athöfnin fer fram í bíósal Austurbæjarskólans í Reykjavík en þar verður skýrt frá því hvaða handrit ber sigur úr býtum í samkeppninni um verðlaunabók ársins 2012, en ríflega sextíu handrit bárust.

Barnabókaverðlaunin, sem eru peningaverðlaun upp á hálfa milljón króna, verða afhent auk þess sem höfundur tekur við fyrsta eintaki verðlaunabókarinnar sem kemur út hjá Forlaginu / Vöku-Helgafelli þennan dag.

Að verðlaununum standa fjölskylda Ármanns Kr. Einarssonar, barnavinafélagið Sumargjöf og Ibby á Íslandi. Það var Flugan sem stöðvaði stríðið eftir Bryndísi Björgvinsdóttur sem sigraði á síðasta ári.