Dagsskammtur: 188 þúsund ipadar og 288 þúsund iphone símar

Afkomutilkynning Apple fyrir þriðja ársfjórðung 2012 sýnir vel hversu mikil salan hjá fyrirtækinu hefur verið undanfarin misseri. Þannig seldust 17 milljónir ipad spjaldtölvur á fjórðunginum, á heimsvísu,  og 27 milljónir iphone síma. Síðustu mánuðir hvers árs eru venjulega bestu mánuðir ársins hjá Apple, en þá rata vörur fyrirtækisins oft í jólapakkana.

Á þriðja ársfjórðungi seldust því 188 þúsund ipad spjaldtölvur á hverjum degi og 288 þúsund iphone símar. Hagnaðurinn á fjórðungnum nam tæpum 9 milljörðum dala, 1.125 milljörðum króna. Heildartekjurnar námu 35 milljörðum dala, eða sem nemur 4.375 milljörðum króna.