Ekkert tjón í óveðrinu

Þrátt fyrir afleitt veður, bæði snjókomu og hvassviðri um norðanvert landið í gærkvöldi og fram á nótt, er ekki vitað um neitt óhapp eða slys í umferðinni um þjóðvegi landsins, enda var umferð í algjöru lágmarki, samkvæmt teljurum Vegagerðarinnar.

Almenningur virðist því hafa tekið mark á viðvörunum um slæmt ferðaveður. Hvergi er vitað um teljandi fokstjón. En þótt vind hafi aðeins lægt víðast hvar á landinu stendur það ekki lengi því í dag er spáð 18 til 23 metrum á sekúndu og enn hvassari í kvöld og á morgun. Áfram verður hvasst á laugardag, en á sunnudag á veðrið að fara að ganga niður.

Skólahaldi hefur verið aflýst víða á Norðurlandi í dag vegna veðurs.