Ofsaveður á morgun þegar verst lætur

Búist er við því að mestu vindhviður geti farið upp í allt að 55 m/s við fjöll, einkum á sunnanverðu landinu frá Snæfellsnesi til Austfjarða næstu tvo sólarhringa. Veðurstofan varar við vonskuveðri og búast má við að vindhraðinn verði á bilinu 20-28 m/s. Gert er ráð fyrir talsverðri ofankomu á Norðurlandi og Austurlandi.

Veðurstofan segir að ekkert ferðaveður verði næstu tvo sólarhringa, en veður gengur niður seinni part laugardags. Fólk er því beðið um að fylgjast vel með veðurspám. Í norðanáttinni má reikna með að ölduhæð geti náð 11 metrum norður og austur af landinu. Því eru menn hvattir til að huga að bátum í höfnum og hafa í huga að ísing getur myndast og hlaðist á báta á skömmum tíma.

Lögreglan á Hvolsvelli segir að ekkert ferðaveður sé nú undir Eyjafjöllum, frá Seljalandi og að Vík, en mikið hvassviðri er þar nú og getur verið hættulegt fyrir stóra bíla að vera á verðinni. Vegfarendur eru beðnir um að fylgjast með veðurfréttum.