Hringdi í íslensku Neyðarlínuna frá Serbíu

Sá yngri, Júlían Gauti sem er rúmlega 1 árs, hætti skyndilega að anda og blánaði upp þar sem hann sat við morgunverðarborðið. Fjölskyldan hafði aðeins verið búsett í Serbíu í tvo mánuði þegar atvikið átti sér stað og Gerður Hlín hringdi samstundis í hina íslensku Neyðarlínu, 112, í gegnum íslenskan tölvusíma til að fá leiðbeiningar. Á meðan hringdi maður hennar eftir aðstoð í Serbíu.

Rætt verður við fjölskylduna í fjórða þættinum af Neyðarlínunni sem verður sýndur á Stöð 2 í kvöld kl. 20.10. Þar verður einnig talað við Jóhannes Guðnason sem bjargaði lífi 17 ára fóstursonar síns þegar sá síðarnefndi hneig niður meðvitundarlaus á heimili þeirra á desemberkvöldi fyrir tveimur árum.