Óli Björn vill á þing

Óli Björn Kárason hefur ákveðið að bjóða sig fram í eitt af efstu sætunum í prófkjöri Sjálfstæðisflokksins í Suðvesturkjördæmi sem haldið verður 10. nóvember næstkomandi. Hann hefur verið varaþingmaður flokksins á yfirstandandi kjörtímabili.

Óli Björn er hagfræðingur að mennt en hefur starfað sem blaðamaður og ritstjóri og útgefandi í nær aldarfjórðung. Hann hefur gefið út fjórar bækur m.a. um viðskipti, efnahags- og dómsmál. Þá hefur Óli Björn skrifað fjölda greina í dagblöð og tímarit. Hann ritstýrir vefritinu T24.is.