HM 2011: Ísland á enn möguleika á 2.-5. sæti í A-riðli

Stelpurnar okkar geta enn náð öðru sætinu í A-riðli á HM 2011 í Brasilíu með sigri á Kína og hagstæðum úrslitum í öðrum leikjum. Sterk lið bíða Íslandi í 16-liða úrslitunum ef stelpurnar komast áfram.

Ísland vann í gær glæsilegan 26-20 sigur á Þýskalandi eftir að hafa verið 11-4 undir í fyrri hálfleik. Hefði Ísland tapað leiknum væri það úr leik og á leiðinni í Forsetabikarinn (keppni þeirra liða sem ekki komast í 16-liða úrslitin).

Það er hins vegar enn möguleiki á því að Ísland endi í fimmta sæti riðilsins en mýmargir möguleikar eru enn í stöðunni og því spennan mjög mikil fyrir lokakeppnisdaginn í A-riðli á föstudaginn kemur.

Það sem stelpurnar munu þó fyrst og fremst hugsa um er að sigur á Kína mun duga til að komast áfram í 16-liða úrslitin, óháð því hvernig aðrir leikir fara fyrr um daginn.

Það liggur einnig ljóst fyrir að það lið sem endar í fjórða sæti A-riðils mætir heimsmeisturum Rússland í 16-liða úrslitunum. Liðið í þriðja sæti A-riðils mætir Spáni. Holland og Suður-Kórea mætast svo á föstudaginn í hreinum úrslitaleik um þriðja sæti B-riðils.

Vísir fer hér yfir möguleikana sem eru í stöðunni fyrir íslenska landsliðið:

Leikirnir á föstudag (úrslit & staðan):

17.00 Angóla - Þýskaland

19.15 Noregur - Svartfjallaland

21.30 Kína - Ísland

Ísland lendir í öðru sæti:

• Þýskaland vinnur Angóla
• Noregur vinnur Svartfjallaland
• Ísland vinnur Kína

Ísland lendir í þriðja sæti:

• Þýskaland vinnur Angóla (eða jafntefli)
• Noregur og Svartfjallaland gera jafntefli
• Ísland vinnur Kína

Ísland lendir í fjórða sæti:

• Ísland vinnur Kína
• úrslit annarra leikja fara á annan veg en áður hefur verið nefnt

eða

• Ísland og Kína gera jafntefli

eða

• Angóla vinnur Þýskaland
• Ísland tapar fyrir Kína

Ísland lendir í fimmta sæti:

• Þýskaland vinnur Angóla (eða jafntefli)
• Ísland tapar fyrir Kína