Kravitz féll í stafi yfir Sruli

Bandaríski tónlistarmaðurinn Lenny Kravitz féll fyrir hönnun Sruli Recht þegar ný herralína hans var frumsýnd í París fyrir skemmstu.

Rokkarinn Kravitz festi kaup á þó nokkuð af fatnaði og fylgihlutum úr línunni. Hann hyggst svo klæðast hönnun Srulis á tónleikaferðalagi sínu um Evrópu og því verða viðskiptin vafalaust ein besta kynning sem hönnuður á Íslandi hefur fengið.

Herralína Sruli Recht samanstendur af hundrað hlutum og er innblástur sóttur í íslenska náttúru. Nýstárlegar nálganir hans við notkun á efnivið vekja jafnan eftirtekt og í nýju línunni er að finna leður úr hákarlaskrápi.

- rve