Þriðja skyndiverkfall flugvirkja hjá Icelandair hafið

Þriðja skyndiverkfall flugvirkja hjá Icelandair hófst á Keflavíkurflugvelli klukkan sex í morgun og komast vélar félagsins því ekki frá landinu fyrr en klukkan tíu, að verkfallinu lýkur.

Árangurslaus fundur í deilunni var haldinn í gær og hefur annar verið boðaður hjá Ríkissáttasemjara síðdegis í dag.

Flugvirkjar hafa svo boðað til ótímabundins verkfalls eftir tíu daga, ef ekki hefur samist fyrir þann tíma. Þá myndi allt flug Icelandair, til og frá landinu, lamast