Ólafur: Svona eigum við alltaf að spila

„Þetta var mjög góður leikur hjá okkur allan leiktímann," sagði Ólafur Andrés Guðmundsson, leikmaður FH, eftir glæsilegan sigur liðsins á Val 34-24 í Kaplakrikanum í kvöld.

„Við byrjuðum þetta rólega en spiluðum góða vörn og fína sókn. Þetta var bara klassa leikur. Við vorum allir saman og það er frábært að ná tíu marka sigri gegn Val."

„Þeir reyndu að brjóta þetta upp og ég veit ekki hvað þeir prófuðu ekki. En vörnin okkar var klassi og við spiluðum okkar bolta og það skilaði sér," sagði Ólafur sem skoraði átta mörk í leiknum.

„Við sýndum núna hvað við getum. Svona eigum við að spila alltaf. Ef við höldum þessu áfram vinnum við öll lið í deildinni. Það var allt gott í kvöld."