Prýðilegt pabbarokk Wilco 23. september 2011 19:00 Áttunda hljóðversplata bandarísku hljómsveitarinnar Wilco kemur út í næstu viku. Jeff Tweedy og félagar gefa plötuna út sjálfir og eru á leiðinni í tónleikaferð til Evrópu. Tvö ár eru liðin síðan hin vel heppnaða og Grammy-tilnefnda Wilco (The Album) kom út. Hljómsveitin, sem sumir hafa viljað stimpla sem þroskað pabbarokkband, fór í stóra tónleikaferð til að fylgja henni eftir en tók að henni lokinni sitt lengsta frí til þessa, síðari helming síðasta árs. Forsprakkinn Jeff Tweedy, sem er 44 ára, fékk óvenju langa hvíld til að semja efni á nýja plötu og svo ferskur var hann við lagasmíðarnar að fyrst stóð til að taka upp tvær plötur en á endanum var ein látin nægja. Útkoman nefnist The Whole Love og er þriðja platan sem Wilco tekur upp með núverandi liðsuppstillingu, sem er frá árinu 2004. Þá gengu gítarleikarinn Nels Cline og gítar- og hljómborðsleikarinn Patrick Sansone til liðs við bandið. Fyrir voru þeir Tweedy, bassaleikarinn John Stirratt, trommarinn Glenn Kotche og Mikael Jorgensen hljómborðsleikari. Wilco var stofnuð 1994 eftir að jaðarkántrísveitin Uncle Tupelo með Tweedy um borð lagði upp laupana. Hann stofnaði nýtt band, Wilco, með öllum fyrrverandi liðsmönnum Uncle Tupelo nema söngvaranum Jay Farrar. Fyrsta platan, A.M., kom út 1995 og var tónlistin í jaðarkántrístíl, líkt og efnið frá Uncle Tupelo. Platan fékk hins vegar ekki eins og góðar viðtökur og Wilco-menn höfðu vonast eftir. Þeir ákváðu að breyta til og lagasmíðarnar urðu í framhaldinu fjölbreyttari og tilraunakenndari með meiri áhrifum úr rokki og popptónlist. Fjórða platan, Yankee Hotel Foxtrot, kom út 2002 og vakti sérstaka athygli vegna þess að útgáfufyrirtækinu Reprise Records fannst hún ekki nógu aðgengileg, neitaði að gefa hana út og leysti Wilco undan samningi. Í framhaldinu samdi hljómsveitin við Nonesuch Records, sem gaf plötuna út. Bæði þessi útgáfufyrirtæki voru undir sama hatti hjá risanum Time Warner, sem gerði málið hið undarlegasta. Yankee Hotel Foxtrot er nú vinsælasta plata Wilco til þessa og hefur selst í hátt í 700 þúsund eintökum. Platan kom hljómsveitinni á kortið og næsta útgáfa, A Ghost Is Born, varð sú fyrsta frá Wilco til að komast á topp tíu á Billboard-listanum. Tvenn Grammy-verðlaun fylgdu í kjölfarið. Wilco hefur núna stofnað eigið útgáfufyrirtæki, dBpm, þar sem The Whole Love kemur út. Sveitin er um þessar mundir á tónleikaferð um Bandaríkin til að fylgja henni eftir og byrjar síðan ferðalag sitt um Evrópu í Glasgow 24. október. freyr@frettabladid.is Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Áttunda hljóðversplata bandarísku hljómsveitarinnar Wilco kemur út í næstu viku. Jeff Tweedy og félagar gefa plötuna út sjálfir og eru á leiðinni í tónleikaferð til Evrópu. Tvö ár eru liðin síðan hin vel heppnaða og Grammy-tilnefnda Wilco (The Album) kom út. Hljómsveitin, sem sumir hafa viljað stimpla sem þroskað pabbarokkband, fór í stóra tónleikaferð til að fylgja henni eftir en tók að henni lokinni sitt lengsta frí til þessa, síðari helming síðasta árs. Forsprakkinn Jeff Tweedy, sem er 44 ára, fékk óvenju langa hvíld til að semja efni á nýja plötu og svo ferskur var hann við lagasmíðarnar að fyrst stóð til að taka upp tvær plötur en á endanum var ein látin nægja. Útkoman nefnist The Whole Love og er þriðja platan sem Wilco tekur upp með núverandi liðsuppstillingu, sem er frá árinu 2004. Þá gengu gítarleikarinn Nels Cline og gítar- og hljómborðsleikarinn Patrick Sansone til liðs við bandið. Fyrir voru þeir Tweedy, bassaleikarinn John Stirratt, trommarinn Glenn Kotche og Mikael Jorgensen hljómborðsleikari. Wilco var stofnuð 1994 eftir að jaðarkántrísveitin Uncle Tupelo með Tweedy um borð lagði upp laupana. Hann stofnaði nýtt band, Wilco, með öllum fyrrverandi liðsmönnum Uncle Tupelo nema söngvaranum Jay Farrar. Fyrsta platan, A.M., kom út 1995 og var tónlistin í jaðarkántrístíl, líkt og efnið frá Uncle Tupelo. Platan fékk hins vegar ekki eins og góðar viðtökur og Wilco-menn höfðu vonast eftir. Þeir ákváðu að breyta til og lagasmíðarnar urðu í framhaldinu fjölbreyttari og tilraunakenndari með meiri áhrifum úr rokki og popptónlist. Fjórða platan, Yankee Hotel Foxtrot, kom út 2002 og vakti sérstaka athygli vegna þess að útgáfufyrirtækinu Reprise Records fannst hún ekki nógu aðgengileg, neitaði að gefa hana út og leysti Wilco undan samningi. Í framhaldinu samdi hljómsveitin við Nonesuch Records, sem gaf plötuna út. Bæði þessi útgáfufyrirtæki voru undir sama hatti hjá risanum Time Warner, sem gerði málið hið undarlegasta. Yankee Hotel Foxtrot er nú vinsælasta plata Wilco til þessa og hefur selst í hátt í 700 þúsund eintökum. Platan kom hljómsveitinni á kortið og næsta útgáfa, A Ghost Is Born, varð sú fyrsta frá Wilco til að komast á topp tíu á Billboard-listanum. Tvenn Grammy-verðlaun fylgdu í kjölfarið. Wilco hefur núna stofnað eigið útgáfufyrirtæki, dBpm, þar sem The Whole Love kemur út. Sveitin er um þessar mundir á tónleikaferð um Bandaríkin til að fylgja henni eftir og byrjar síðan ferðalag sitt um Evrópu í Glasgow 24. október. freyr@frettabladid.is
Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira