N1-deild kvenna: Stjarnan vann Fylki

Stjarnan og Fram eru enn á toppi N1-deildar kvenna eftir sigur í sínum leikjum í dag er keppni hófst á ný eftir jólafrí.

Stjarnan vann góðan sigur á Fylki, 33-26, þrátt fyrir fjórtán mörk frá landsliðskonunni Sunnu Jónsdóttur í Fylki. Jóna Margrét Ragnarsdóttir skoraði níu mörk fyrir Stjörnuna og Hanna G. Stefánsdóttir sjö.

Þorgerður Anna Atladóttir skoraði fimm mörk en hún er á leið í sænsku úrvalsdeildina og var því líklega að spila sinn síðasta leik í bili hér á landi.

Fram og Valur unnu auðvelda sigra í sínum leikjum og þá vann HK stórsigur á ÍR.

Fram og Stjarnan eru bæði með sextán stig á toppi deildarinnar en Fram er enn með fullt hús stiga og á leik til góða.

Valur er í þriðja sæti með fjórtán stig og Fylkir í því fjórða með tólf.

Úrslit og markaskorarar:

Valur - ÍBV 44-18 (22-12)

Mörk Vals: Hrafnhildur Ósk Skúladóttir 7, Rebekka Rut Skúladóttir 6, Kristín Guðmundsdóttir 6, Camilla Transel 5, Karólína B. Gunnarsdóttir 4, Anna Úrsúla Guðmundsdóttir 4, Hildigunnur Einarsdóttir, Ragnhildur Rósa Guðmundsdóttir 4, Íris Ásta Pétursdóttir 3, Anett Köbli 1.

Mörk ÍBV: Þórsteina Sigurbjörnsdóttir 4, Rakel Hlynsdóttir 4, Ester Óskarsdóttir 3, Renata Horvath 2, Aníta Elíasdóttir 2, Hildur Sólveig Sigurðardóttir 2, Drífa Þorvaldsdóttir 1.



Stjarnan - Fylkir 33-26 (16-12)

Mörk Stjörnunnar: Jóna Margrét Ragnarsdóttir 9, Hanna G. Stefánsdóttir 7, Þorgerður Anna Atladóttir 5, Elísabet Gunnarsdóttir 3, Kristín Jóhanna Clausen 2, Sólveig Lára Kjærnested 2, Þórhildur Gunnarsdóttir 2, Hildur Harðardóttir 1, Margrét Vilhjálmsdóttir 1, Guðrún Hrefn Guðjónsdóttir 1.

Mörk Fylkis: Sunna Jónsdóttir 14, Sunna María Einarsdóttir 5, Kristrún Steinþórsdóttir 2, Jóhanna Tryggvadóttir 2, Guðríður Ósk Jónsdóttir 1, Elín Helga Jónsdóttir 1, Áslaug Gunnarsdóttir 1.

HK - ÍR 34-16 (17-8)

Mörk HK: Gerður Arinbjarnar 6, Elísa Ósk Viðarsdóttir 6, Tinna Rögnvaldsdóttir 5, Elín Anna Baldursdóttir 5, Elva Björg Arnarsdóttir 5, Lilja Lind Pálsdóttir 2, Brynja Magnúsdóttir 1, Heiðrún Björk Helgadóttir 1, Valgerður Ýr Þorsteinsdóttir 1, Harpa Baldursdóttir 1, Sóley Ívarsdóttir 1.

Mörk ÍR: Þorbjörg Anna Steinarsdóttir 5, Silja Ísberg 3, Sif Jónsdóttir 2, Hekla Rún Ámundadóttir 2, Árný Rut Jónsdóttir 2, Elzbieta Koval 1, Steinunn Sveinbjörnsdóttir 1.

Grótta - Fram 22-37