Tiger meiddur og kominn í frí

Tiger Woods mun ekki taka þátt í Wells Fargo-meistaramótinu þar sem hann er meiddur á hné. Meiðslin hlaut hann í þriðja hring Masters á dögunum.

Læknar hafa ráðlagt Tiger að taka því rólega næstu vikurnar og hann ætlar sér að fara að ráðum þeirra.

"Mér þykir mjög miður að missa af þessu móti og ég hringdi persónulega í forráðamenn mótsins og lét þá vita af því," sagði Tiger.

Hann hefur ekki ákveðið hvenær hann spilar næst en hann hefur ekkert spilað síðan á Masters.