Sveinbjörn valinn bestur í umferðum 8 til 14

Sveinbjörn Pétursson, markvörður Akureyrar, var nú í hádeginu valinn besti leikmaður umferða 8 til 14 í N1-deild karla. Sveinbjörn hefur farið mikinn í marki toppliðsins.

Atli Hilmarsson, þjálfari Akureyrar, var valinn besti þjálfarinn og Akureyri fékk einnig verðlaun fyrir bestu umgjörð.

Vilhelm Gauti Bergsveinsson hjá HK var valinn besti varnarmaðurinn og þeir Anton Gylfi Pálsson og Hlynur Leifsson voru valdir bestu dómararnir.

Lið umferða 8-14:

Markvörður: Sveinbjörn Pétursson, Akureyri

Línumaður: Atli Ævar Ingólfsson, HK

Vinstra horn: Oddur Gretarsson, Akureyri

Hægra horn: Einar Rafn Eiðsson, Fram

Vinstri skytta: Heimir Örn Árnason, Akureyri

Hægri skytta: Ragnar Jóhannsson, Selfoss

Miðjumaður: Ásbjörn Friðriksson, FH