Ægir Geirdal stefnir ritstjóra

Ægir Geirdal listamaður hefur stefnt Steingrími Sævari Ólafssyni, ritstjóra vefmiðilsins Pressunnar, fyrir meiðyrði. Hann krefst ómerkingar á sex ummælum þar sem hann er sakaður um kynferðisbrot.

Ummælin sem um ræðir birtust frá því í nóvember í fyrra þar til í maí. Tvær systur stigu fram í kjölfar þess að Ægir bauð sig fram til setu á stjórnlagaþingi og sökuðu hann um að hafa misnotað sig þegar þær voru börn. Hann hafnaði ásökununum og hótaði bæði þeim og miðlinum lögsókn. Ekkert hefur þó orðið af málshöfðun á hendur systrunum.

Ægir krefur Steingrím Sævar um eina milljón króna í miskabætur og 200 þúsund krónur að auki til að kosta birtingu dómsins. Steingrímur hefur hafnað sök.

- sh