Verðbólga ógnar stöðugleika

Líkur eru taldar á að Evrópski seðlabankinn hækki stýrivexti sína um 0,25 prósentustig á næsta vaxtaákvörðunarfundi sínum í næstu viku. Verði það raunin fara stýrivextir á evrusvæðinu í 1,5 prósent.

Stýrivextir höfðu verið óbreyttir á evrusvæðinu þar til í apríl, þegar þeir fóru úr einu prósenti í 1,25 prósent.

Jean-Claude Trichet, fráfarandi seðlabankastjóri, ítrekaði í erindi sínu á Evrópuþinginu í Brussel í gær að aukin verðbólga á evrusvæðinu gæti ógnað efnahagslegum stöðugleika.

- jab