Hrafnhildur: Ég er gömul en aldrei hef ég séð svona

„Ég hef aldrei lent í öðru eins og ég er orðin nokkuð gömul í þessum bransa," sagði Hrafnhildur Skúladóttir, leikmaður Vals, eftir leikinn í kvöld. Valur vann Fram 37-35 eftir tvíframlengdan leik og vítakastkeppni. Þetta var þriðji leikur liðanna og Valur vann einvígið því 3-0.



„Þetta var stórkostlegt og algjör forréttindi að fá að taka þátt í svona leik og hvað þá að vinna hann".



„Þetta var í raun pínulítil heppni að vinna svona leik sem fer í vítakastkeppni. Þetta var virkilega erfiður leikur eins og maður bjóst auðvita við," sagði Hrafnhildur.