Sjómannasambandinu var ekki kynnt frumvarpið

Jón Bjarnason, sjávarútvegs- og landbúnaðarráðherra, hefur ekki kynnt Sjómannasambandi Íslands drög að kvótafrumvarpinu sem var birt á vef ráðuneytisins í gær. „Ég bara vissi það ekki fyrr en áðan að það væri verið að kynna þetta þannig að ég er ekkert farinn að kynna mér þetta,“ segir Sævar Gunnarsson, formaður Sjómannasambandsins, í samtali við Vísi. 

Sævar segir að venjan sé sú að sjávarútvegsráðherra kynni hagsmunaaðilum stór mál á borð við frumvarp um fiskveiðistjórnun. Hann býst því við að Sjómannasambandinu verði kynnt þetta mál. „Annars get ég ekki reiknað þennan ráðherra út. Það er ekki hægt. Ef hann hefur ekki einu sinni samráð við starfstarfsflokkinn þá er ekki hægt að reikna með því að hann hafi samstarf við hagsmunaaðila,“ segir Sævar. Hann bætir við að allir aðrir ráðherra hafi verið í sambandi við hagsmunaaðila vegna svo stórra mála.

Umdeild frumvarp sem sjávarútvegs- og landbúnaðarráðherra lagði fram í vor var ekki kynnt Sjómannasambandinu áður en það var lagt fram.