Fyrsti sigur Valsmanna síðan í september - myndir

Valsmenn fögnuðu langþráðum og óvæntum sigri þegar þeir unnu 31-27 sigur á HK í N1 deild karla i handbolta í Vodafone-höllinni í gærkvöldi. HK-liðið var fyrir leikinn búið að ná í níu af tíu mögulegum stigum í fimm síðustu leikjum sínum í deildinni.

Valsmenn unnu síðast leik 29. september þegar þeir skelltu Aftureldingu 25-20 en síðan þá hafði Valsliðið aðeins náð í eitt stig í fjórum leikjum. Þeir fögnuðu því vel þegar sigurinn var í höfn í gær.

Valgarður Gíslason, ljósmyndari Fréttablaðsins og Vísis, var á leik Vals og HK í Vodafone-höllinni í gær og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.