Fjórir milljarðar afskrifaðir hjá Brimborg Þorbjörn Þórðarson skrifar 2. nóvember 2011 18:30 Bílaumboðið Brimborg fékk tæpa fjóra milljarða króna afskrifaða á síðasta ári án þess að gengið væri á hlutafé. Þar af var ríkisbankinn Landsbankinn með sjö hundruð milljónir. Samningar við birgja voru við núverandi hluthafa og því hefðu bankarnir séð fram á að missa umboð tækju þeir fyrirtækið yfir. Upplýsingar um skuldaniðurfellinguna koma fram í ársreikningi Brimborgar fyrir árið 2010, en fjárhæðin nemur 3,9 milljörðum króna. Skuldirnar sem afskrifaðar voru hjá nema 58 prósentum af heildarskuldum fyrirtækisins, en forstjóri Brimborgar segir að þetta hlutfall sé lægra en hlutfall skuldaniðurfellingar hjá þeim fyrirtækjum sem hafa farið í gegnum fjárhagslega endurskipulagningu. „Við erum að semja við sjö kröfuhafa sem telja þetta bestu leiðina. Samhliða þessu er 200 milljóna króna eigið fé frá eigendum, sem eru í raun með alla samninga við erlenda birgja sem eru tólf talsins," segir Egill Jóhannsson, forstjóri Brimborgar. Hann segir að í samningum við kröfuhafa fyrirtækisins, sem eru ýmist bankar og eignaleigufyrirtæki, sé gert ráð fyrir að ef vel gangi í rekstri Brimborgar muni þetta hlutfall lækka. „Og ég yrði ekkert hissa ef við myndum enda í kringum fimmtíu prósent," segir Egill. Egill vísar einnig í skýrslu eftirlitsnefndar um endurskipulagningu fyrirtækja, en þar hafi komið fram að meðalafskrift niðurfellinga hafi numið 73 prósentum, eða 15 prósentum hærra en hjá Brimborg. En þegar fjórir milljarðar króna eru afskrifaðir án þess að kröfuhafar gangi á hlutafé, þýðir það ekki á mannamáli að það sé verið að gefa peninga? „Nei." Hvernig rökstyðurðu það, ef það kemur engin eign á móti til kröfuhafa. Það er bara afskrifað? „Það kemur eigið fé (frá eigendum Brimborgar innsk.blm) upp á 200 milljónir. Það er líka búið að staðfesta að lánin eru ekki eins mikils virði og þau voru í upphafi. Það er búið að afskrifa þau. Fyrir kröfuhafana er þetta einmitt besta leiðin í þessu tilviki því meiri líkur en minni eru á að það sem eftir situr verði borgað." Samningar Brimborgar við birgja, eins og Volvo, Ford og fleiri, voru þess eðlis að það var bönkunum óhagstætt að taka fyrirtækið yfir. „Samningarnir byggja á þáverandi hluthöfum og lykilstjórnendum," segir Egill. Þannig að bankarnir hefðu þá setið uppi með vörubirgðir en enga samninga við birgja hefðu þeir tekið fyrirtækið yfir? „Já, til dæmis." Á mannamáli þýðir þetta að eigendur Brimborgar hefðu getað gengið út og stofnað nýtt fyrirtæki, með sömu birgjum, hefðu kröfuhafar tekið Brimborg yfir. Um svipað fyrirkomulag er að ræða og er við lýði hjá öðrum bílaumboðum, eins og Heklu og Toyota. Egill segist nýlega hafa endurnýjað samninga við tvo birgja og þar sé enn skýrar tekið fram að samningarnir séu við núverandi hluthafa Brimborgar og lykilstjórnendur. thorbjorn@stod2.is Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf „Gátum ekki setið og beðið endalaust“ Neytendur Algjör óvissa með Dragon Dim Sum Viðskipti innlent Hægir á verðhækkunum matvöru Neytendur „Ég var pæja sem vildi ekki vera með ljótan gulan hatt á hausnum“ Atvinnulíf Merkum áfanga fagnað í verslun BYKO á Selfossi Samstarf Vilja koma fleirum en Kynnisferðum inn í BSÍ Viðskipti innlent Há laun og dýr bjór séu vandamál ÁTVR Viðskipti innlent Landsbankinn telur skilmála sína nógu skýra Viðskipti innlent Ráðinn markaðsstjóri Bílabúðar Benna Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira
Bílaumboðið Brimborg fékk tæpa fjóra milljarða króna afskrifaða á síðasta ári án þess að gengið væri á hlutafé. Þar af var ríkisbankinn Landsbankinn með sjö hundruð milljónir. Samningar við birgja voru við núverandi hluthafa og því hefðu bankarnir séð fram á að missa umboð tækju þeir fyrirtækið yfir. Upplýsingar um skuldaniðurfellinguna koma fram í ársreikningi Brimborgar fyrir árið 2010, en fjárhæðin nemur 3,9 milljörðum króna. Skuldirnar sem afskrifaðar voru hjá nema 58 prósentum af heildarskuldum fyrirtækisins, en forstjóri Brimborgar segir að þetta hlutfall sé lægra en hlutfall skuldaniðurfellingar hjá þeim fyrirtækjum sem hafa farið í gegnum fjárhagslega endurskipulagningu. „Við erum að semja við sjö kröfuhafa sem telja þetta bestu leiðina. Samhliða þessu er 200 milljóna króna eigið fé frá eigendum, sem eru í raun með alla samninga við erlenda birgja sem eru tólf talsins," segir Egill Jóhannsson, forstjóri Brimborgar. Hann segir að í samningum við kröfuhafa fyrirtækisins, sem eru ýmist bankar og eignaleigufyrirtæki, sé gert ráð fyrir að ef vel gangi í rekstri Brimborgar muni þetta hlutfall lækka. „Og ég yrði ekkert hissa ef við myndum enda í kringum fimmtíu prósent," segir Egill. Egill vísar einnig í skýrslu eftirlitsnefndar um endurskipulagningu fyrirtækja, en þar hafi komið fram að meðalafskrift niðurfellinga hafi numið 73 prósentum, eða 15 prósentum hærra en hjá Brimborg. En þegar fjórir milljarðar króna eru afskrifaðir án þess að kröfuhafar gangi á hlutafé, þýðir það ekki á mannamáli að það sé verið að gefa peninga? „Nei." Hvernig rökstyðurðu það, ef það kemur engin eign á móti til kröfuhafa. Það er bara afskrifað? „Það kemur eigið fé (frá eigendum Brimborgar innsk.blm) upp á 200 milljónir. Það er líka búið að staðfesta að lánin eru ekki eins mikils virði og þau voru í upphafi. Það er búið að afskrifa þau. Fyrir kröfuhafana er þetta einmitt besta leiðin í þessu tilviki því meiri líkur en minni eru á að það sem eftir situr verði borgað." Samningar Brimborgar við birgja, eins og Volvo, Ford og fleiri, voru þess eðlis að það var bönkunum óhagstætt að taka fyrirtækið yfir. „Samningarnir byggja á þáverandi hluthöfum og lykilstjórnendum," segir Egill. Þannig að bankarnir hefðu þá setið uppi með vörubirgðir en enga samninga við birgja hefðu þeir tekið fyrirtækið yfir? „Já, til dæmis." Á mannamáli þýðir þetta að eigendur Brimborgar hefðu getað gengið út og stofnað nýtt fyrirtæki, með sömu birgjum, hefðu kröfuhafar tekið Brimborg yfir. Um svipað fyrirkomulag er að ræða og er við lýði hjá öðrum bílaumboðum, eins og Heklu og Toyota. Egill segist nýlega hafa endurnýjað samninga við tvo birgja og þar sé enn skýrar tekið fram að samningarnir séu við núverandi hluthafa Brimborgar og lykilstjórnendur. thorbjorn@stod2.is
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf „Gátum ekki setið og beðið endalaust“ Neytendur Algjör óvissa með Dragon Dim Sum Viðskipti innlent Hægir á verðhækkunum matvöru Neytendur „Ég var pæja sem vildi ekki vera með ljótan gulan hatt á hausnum“ Atvinnulíf Merkum áfanga fagnað í verslun BYKO á Selfossi Samstarf Vilja koma fleirum en Kynnisferðum inn í BSÍ Viðskipti innlent Há laun og dýr bjór séu vandamál ÁTVR Viðskipti innlent Landsbankinn telur skilmála sína nógu skýra Viðskipti innlent Ráðinn markaðsstjóri Bílabúðar Benna Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira