Nýtt mót í Texas meðal 20 Formúlu 1 móta 2012

FIA staðfesti í dag að 20 Formúlu 1 mót verða á dagskrá á næsta ári og meðal þeirra nýtt mót í Texas í Bandaríkjunum á nýrri braut. Þá verður mót í Barein fjórða mót ársins, en í ár var það fellt niður vegna pólitísks ástands í landinu.

Stóð til að 20 mót yrðu á þessu keppnistímabili, en vegna vandamálanna í Barein verða þau aðeins 19.

Fyrsta mótið 2012 verður í Melbourne í Ástralíu 18. mars og viku síðar verður keppt á Sepang í Malasíu. Mótið á Katalóníu brautinni á Spáni verður fyrsta mótið í Evrópu og fer það fram 13. maí, en mótið í Mónakó verður 27. maí. Mótið á Monza brautinni á Ítalíu verður síðasta mótið í Evrópu og fer fram 9. september.

Eftir Monza mótið þurfa liðin að ferðast víða og byrja í Suður Kóreu. Síðan taka við mót í Japan, Suður Kóreu, Indlandi, Abu Dhabi og Bandaríkjunum.

Öll Formúlu 1 mót verða sem fyrr í beinni útsendingu á Stöð 2 Sport á næsta ári.

Mótaskráin 2012

18. mars Melbourne Ástralía

25. mars Sepang Malasía

15. apríl Sjanghæ Kína

22. apríl Shakir Barein

13. maí Katalónía Spáni

27. maí Mónakó Mónakó

10. júní Gilles Villenuve Kanada

24. júní Valencia Evrópa

8. júlí Silverstone Bretland

22. júlí Hockenheim Þýskaland

29. júlí Hungaroring Ungverjaland

02. september SPA Belgía

09. september Monza Ítalía

23. september Marina Bay Singapúr

7. október Suzuka Japan

14. október Kórea Suður Kórea

28. október Buddh Indland

4. nóvember Yas Marina Abu Dhabi

18. nóvember Texas Bandaríkin

25. nóvember Jose Carlos Parce Brasilía