Ingimundur Ingimundarson í Fram

Landsliðsmaðurinn Ingimundur Ingimundarson er genginn til liðs við Fram. Ingimundur var kynntur á blaðamannafundi í Safamýrinni fyrir stundu.

Hávær orðrómur hafði verið undanfarnar vikur að Ingimundur væri á leiðinni til Akureyrar og spila með heimamönnum en nú er ljóst að svo verður ekki.

Ingimundur mun einnig kom að þjálfun hjá Fram en. Hann mun vera þjálfurum Fram innan handar varðandi varnarleik hjá yngri flokkum félagsins. Auk þess mun hann þjálfa 3. flokk karla ásamt Halldóri Jóhanni Sigfússyni.

Ingimundur er margreyndur landsliðsmaður. Hann er fjórði leikmaðurinn sem gengur til liðs við Fram í sumar. Hinir eru Ægir Hrafn Jónsson, Sigurður Eggertsson og Sebastian Alexandersson.