Útgáfu News of the World hætt

Útgáfu vikublaðsins News of the World verður hætt. Þetta hefur Sky fréttastöðin eftir James Murdoch, syni Ruperts Murdoc eiganda blaðsins. Síðasta tölublað kemur út á sunnudaginn.

Blaðið hefur átt undir högg að sækja eftir að fréttir bárust af því að menn á vegum blaðsins hefðu hlerað síma einstaklinga. Meðal annars var þar um að ræða brotaþola í áberandi sakamálum og fræga listamenn.

News of the World er eitt stærsta blaðið í Bretlandi og var stofnað árið 1843.

Auk þess að vera sonur Ruperts Murdoch er James einnig stjórnarformaður og forstjóri Evrópu- og Asíuhluta News Corporation, fjölmiðlaveldis föður síns.