Fram fær liðstyrk í handboltanum

Ægir Hrafn Jónsson hefur skrifað undir tveggja ára samning við handknattleiksdeild Fram. Ægir Hrafn sem lék með Gróttu á síðasta tímabili var valinn besti varnarmaður 1. deildar síðasta vetur.

Í fréttatilkynningu frá Fram segir að Ægir Hrafn hafi byrjað feril sinn með Fram í 6. flokki og sé því kominn á heimaslóðir.

Fyrr í dag gekk markvörðurinn Sebastian Alexandersson til liðs við félagið á nýjan leik.

Þá skrifaði vinstri skyttann Róbert Aron Hostert undir nýjan samning við félagið.