Starfsmenn Iðnaðarráðuneytisins láta hendur standa fram úr ermum í dag með Katrínu Júlíusdóttur ráðherra í broddi fylkingar. Um tuttugu manna hópur úr ráðuneytinu og tveimur undirstofnunum, Nýsköpunarmiðstöð og Ferðamálastofu fór austur á gossvæðið til þess að hjálpa til við hreinsunarstörfin sem eru að vonum ærin.
Hópurinn er nú á Hótel Klaustri að þrífa öskusallann sem smaug um allt og einnig stendur til að taka til hendinni á hótelinu á Efri-Vík og á Hótel Geirlandi.
Katrín segir í samtali við fréttastofu að ástandið hafi komið henni ánægjulega á óvart, hún hafi óttast að afleiðingar öskufallsins frá Grímsvötnum væru verri en þær eru í raun og veru.
Hún segist bjartsýn á að allt verði orðið hreint og fínt að nýju á næstu dögum enda taki fjöldi fólks þátt í hreinsunarstarfinu af miklum dugnaði.
Katrín tekur til hendinni á Klaustri
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
