Innlent

Enn hætta á öflugum öskustrókum úr gígnum

Ekkert hefur sést til gosmakkar úr Grímsvötnum frá því í fyrrinótt. Eftir hádegi í dag sást þó til gufubólstra úr gígnum sem náðu í um 2000 metra hæð og segir í nýrri stöðuskýrslu frá Almannavörnum að ekki sé hægt að útiloka að öflugir öskustrókar geti komið fyrirvaralaust úr gígnum og er því enn varað við því að fólk ferðist að gígnum.

Hreinsun er hafin af fullum krafti á þeim svæðum, sem urðu fyrir mestu öskufalli og samkvæmt upplýsingum frá Slökkviliði höfuðborgarsvæðisins eru 8 slökkvilið við hreinsun á svæðinu með 9 slökkvibifreiðar og 30 slökkviliðsmenn. Þá hefur fjöldahjálparstöðinni í Hofgarði verið lokað en á Kirkjubæjarklaustri verður starfrækt þjónustumiðstöð þar sem íbúar geta leitar sér ráðgjafar og aðstoðar.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.