Koma fyrstu laxarnir á land 5. júní?

Það fer ekkert á milli mála að það er mættir einhverjir laxar í árnar. Það hefur sést til laxa nokkrum sinnum í Laxá í Kjós og þá má það heita pottþétt mál að Norðurá, Þverá/Kjarrá, Blanda og jafnvel fleiri ár séu þegar komnar með einhverja laxa í sína hylji. Það væru góðar fréttir ef veiðin færi jafnvel af stað og jafn snemma og í fyrra þegar meira og minna allar ár áttu frábærar opnanir. En nú horfa menn til sunnudagsins 5. júní þegar Norðurá og Blanda opna. Blanda opnaði feikilega vel í fyrra og sumarið allt var frábært á öllum svæðum nema þó síst á svæði 2, en það kemur helst til vegna þess hve illa svæðið var stundað. Veiðivísir verður með puttana á fréttunum og birtir myndir af fyrstu löxunum um leið og þær berast. Þetta er að bresta á......