Atli: Heimavöllurinn á eftir að skila okkur langt

„Seinni hálfleikurinn var í raun okkar frá fyrstu mínútu," sagði Atli Hilmarsson, þjálfari Akureyrar, eftir sigurinn í gær. Akureyri komst í gær í úrslitaeinvígið gegn FH í N1-deild karla eftir góðan sigur gen HK í oddaleik.

„Við áttum gríðarlega erfitt með Ólaf Bjarka, en náðum að stoppa alla hina leikmennina sem skilaði okkur þessum sigri".

„Það verður virkilega gaman að spila til úrslita og ég er fegin að vera með heimaleikjaréttinn. HK spilaði sérstaklega vel í þessu einvígi en heimavöllur okkar skilaði okkur áfram," sagði Atli Hilmarsson sáttur eftir sigurinn í gær.