Vilja að Þorsteinn Pálsson verði nýr stjórnarformaður MP banka

Þorsteinn Pálsson, fyrrverandi forsætisráðherra og formaður Sjálfstæðisflokksins, verður næsti stjórnarformaður MP banka, ef tillaga nýrra hluthafa verður samþykkt á hluthafafundi bankans á föstudaginn.

Í tilkynningu frá MP banka segir að söfnun hlutafjár í bankann sé nú lokið og áskrift að hlutafé reyndist talsvert umfram 5 milljarða. „Samningur um kaup á allri innlendri starfsemi MP banka og starfsemi í Litháen hefur verið undirritaður og hluthafafundur verið boðaður föstudaginn 8. apríl,“ segir í tilkynningunni.