Ólöf: Duga eða drepast í Hveragerði

"Ég er mjög stolt af okkur, þetta var frábær heimasigur," sagði Ólöf Helga Pálsdóttir, leikmaður Njarðvíkur eftir 86-78 sigur á deildarmeisturum Hamars í kvöld.

"Núna strokum við bara út fyrsta leikinn, það er 1-1 og núna er bara að duga eða drepast í Hveragerði. Það er alltaf erfitt að spila í Hveragerði en við þurfum bara að fara og venjast vellinum og þá eigum við möguleika á að taka þetta næst"

"Við verðum að vinna útileik ef við ætlum að komast áfram í þessari úrslitakeppni, við erum að skrifa sögu núna enda fyrsta sinn í undanúrslitum," sagði Ólöf.