Danir svekktir út af jafnteflinu í gær

Úrslitin þýða einfaldlega að Króatar geta ekki verið öruggir með sæti í undanúrslitum þegar að þeir mæta Dönum í lokaumferð milliriðlakeppninnar á fimmtudaginn.

Og ekki er staða Danmerkur gagnvart Íslandi góð því þar hefur Ísland betur í innbyrðisviðureignum.

Danir geta þó huggað sig við það að þeir geta enn komist áfram með sigri á Noregi í dag og á Króatíu á fimmtudaginn. En það má búast fastlega við því að Króatar munu ekkert gefa eftir á fimmtudaginn og þeir vilja þar að auki sjálfsagt hefna fyrir ófarirnar í úrslitaleik EM í Noregi fyrir tveimur árum. Þá vann Danmörk fjögurra marka sigur, 24-20, og tryggði sér gullið.