Siggi Eggerts: Ef við vinnum þá fær Kristján tapið afskrifað

Gleðigjafinn Sigurður Eggertsson, leikmaður Gróttu í handbolta, telur engar líkur vera á því að Grótta vinni FH í Eimskipsbikarnum í kvöld. Sigurður segir í samtali við grottasport.is að ef Grótta vinni leikinn muni Kristján Arason, þjálfari FH, fá tapið afskrifað og þar með vinna leikinn.

Sigurður er þeim eiginleikum gæddur að sjá spaugilegu hliðina á hlutunum og enginn íþróttamaður hér á landi sem svarar spurningum á álíka hátt og Sigurður.

Hann fer mikinn í viðtalinu á grottasport.is og svarar engri spurningu á alvarlegan hátt. Viðtalið er þó stórskemmtilegt en það má sjá í heild sinni hér.

Leikur Gróttu og FH hefst klukkan 20.00 á Seltjarnarnesi.