Logi spilar sinn fyrsta leik fyrir FH í kvöld

Stuðningsmenn FH munu örugglega fjölmenna í Krikann í kvöld þegar Logi Geirsson spilar sinn fyrsta alvöru leik fyrir FH í sex ár.

Logi hefur aðeins leikið með FH í undirbúningsleikjunum og bíða margir spenntir eftir því að sjá hann í kvöld er alvaran byrjar.

FH tekur þá á móti Aftureldingu í fyrstu umferð N1-deildar karla. Alls fara þrír leikir fram í kvöld.

Leikir kvöldsins:

18.30 HK-Akureyri

19.30 Fram-Selfoss

19.30 FH-Afturelding

Svo má benda á að FH-ingar eru með myndarlega upphitun fyrir leik kvöldsins á heimasíðu sinni, fh.is.