Bjarni Fritzson: Ég var alls ekki ánægður með liðið

„Þetta var skemmtilegur leikur og gaman að spila en því miður vorum við einu marki slakari að þessu sinni", sagði FH-ingurinn, Bjarni Fritzson eftir sárt tap gegn Haukum í Hafnarfjarðaslagnum sem fram fór í kvöld. Leiknum lauk 24-25, Haukum í vil.

„Ég var alls ekki ánægður með liðið í dag, við vorum að spila svo ílla. Vantar eitthvað smá upp á hjá okkur og menn ætla svo rosalega mikið að vinna að þeir gera hlutina of erfitt fyrir sig sem og liðið," sagði Bjarni.

„Það vantaði að vera með spennustigið á réttum stað og losna við að fá dæmdan ruðning og annað sem reyndist dýrt", sagði Bjarni ósáttur eftir leikinn í kvöld.