Vill hækka raforkuverð til stórfyrirtækja

Raforka til álvera hefur verið seld of ódýrt, hér á landi. Alltof ódýrt. Þetta segir Ross Beaty, forstjóri og stjórnarformaður kanadíska orkufyrirtækisins Magma Energy en það keypti í dag hlut Geysis Green Energy í HS Orku. Hann boðar hækkun á raforkuverði til stóriðju en ekki til heimila.

Geysir Green Energy hefur selt dótturfyrirtæki kanadíska orkufyrirtækisins Magma Energy hlut sinn í HS Orku og á Magma nú ríflega 98 prósent í fyrirtækinu.

Hlutur Geysis Green í HS Orku var 52 prósent, greiða á 16 milljarða króna en fyrir þann hlut í reiðufé og yfirtöku skuldabréfa en í fréttatilkynningu segir að hluti greiðslunnar geti verið formi skuldabréfa í kanadíska móðurfélagi Magma.

Sveitarfélögin Reykjanesbær, Grindavík, Garður og Vogar eiga um tvö prósent af HS orku á móti Magma.

Ross Beaty forstjóri Magma segist vel gera sér grein fyrir andstöðu fólks við kaup erlendra aðila á náttúruauðlindum þjóðarinnar. Hann skilji þann ótta en vilji sanna að Magma sé rétta fyrirtækið til að koma að rekstrinum, geti aukið verðmæti orkunnar og skapað verðmæt störf.