Konungur Spánar styður Alonso

Ferrari menn eru hæstánægðir með fyrsta sigurinn í Formúlu 1 og Fernando

segist tileinka sigurinn Luca Montezemolo, forseta Ferari þar sem hann

hafi haft trú á getu hans.

"

Viðgerðarmenn okkar unnu ötullega í bílnum að morgni keppnisdags þegar

við þurftum að skipta um vélina á stuttum tíma. Það var sérstök tilfinning

að stökkva upp á verðlaunapallinn og ég vonast til að hafa staðið undir

væntingum", sagði Alonso.

Sjálfur konungur Spánar heilsaði upp á Alonso fyrir keppnina, en hann

hefur fylgt Alonso að málum í mörg herrans ár. Formúla 1 varð geysilega

vinsæl á Spáni eftir að Alonso vann tvo meistaratitla með Renault 2005 og

2006.

Hefur farið vel á með konungunum tveimur, þó þeir starfi á ólíkum

sviðum. Ekki ólíklegt að Alonso hafi fengið nokkur vel valin hvatningarorð

frá landa sínum fyrir mótið í Barein.