Massa vill sigur í 800 móti Ferrari

Brasilíumaðurinn Felipe Massa hjá Ferrari hefur unnið tyrkneska kappaksturinn þrisvar á ferlinum, árin 2006-2008 og segist fullur sjálfstraust fyrir mótið á Istanbúl brautinni um helgina. Brautin er í 50 km fjarlægð frá miðborg Instabúl og þykir skemmtileg. "Þetta er braut sem ég elska að keyra og ég hef unnið þriívegis í fimm mótum", sagði Massa á vefsvæði Ferrari, en greint er frá því á autosport.com. "Þetta er frábær saga hvað ferilinn varðar og færir mér meiri ákefð til að mæta og berjast af enn meiri krafti um sigur. Ég vonast eftir góðri mótshelgi á þessari vænu braut." Massa vann sinn fyrsta sigur í Formúlu 1 á brautinni árið 2006 og breytti það gangi mála hjá honum, eftir brösótta byrjun með Ferrari. "Ég man allt, æfingar, tímatökuna og kappaksturinn, af því þessi sigur var sérstakur. Ég mun aldrei gleyma þessu móti", sagði Massa. "Þetta var erfið keppni, þar sem Fernando Alonso og Michael Schumacher voru að berjast um titilinn og í slag allt mótið, en ég var í forystu. Ég tel að sigurinn hafi fært mér aukinn styrk." Hann og Alonso munu aka af stað í 800 Formúlu 1 mótinu sem Ferrari hefur tekið þátt í. "Ég mun fara til Tyrkland og gera mitt besta, berjast til sigurs og fagna tímamótunum. Þetta sýnir hvað Ferrari er mikilvægt í Formúlu 1 og gaman að vera hluti af sögu liðsins", sagði Massa.