Aukið rennsli í Markarfljóti

26. apríl 2010 12:26

Markarfljót 15. apríl sl. Mynd/Vilhelm Gunnarsson

Ekki hefur orði vart við öskufall frá gosinu í Eyjafjallajökli í morgun, en rennsli hefur aukist í Markarfljóti, án þess þó að jarðvísindamenn reikni með flóði.

Aukið rennsli stafar af því að hraun bræðir nú ís efst í jöklinum og rennur vatnið niður Gígjökul og út í fljótið. Rennslið núna er þó miklu minna en í flóðunum skömmu eftir upphaf gossins, en það gæti hugsanlega haldist óbreytt í nokkra daga.

Skjálftavirkni er nú hverfandi og gosórói minnkar. Vísindamenn vilja þó engu spá um lok gossins í Eyjafjallajökli að svo stöddu.

Skjálftahrina í Bárðarbungu í norðanverðum Vatnajökli í nótt er ekki talin tengjast gosinu, né heldur boða frekari tíðindi þar. Veðurstofan spáir suðaustanátt, strekkingi og jafnvel hvassviðri síðdegis með lítilli úrkomu.

Gosaska berst í dag til vesturs og norðvesturs frá eldstöðinni og getur öskumistur borist yfir Suður- og Suðvesturland, segir Veðurstofan.

Eldgos og jarðhræringar Gos á Fimmvörðuhálsi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir