Guðlaugur: Þeir mættu tilbúnari en við

„Já eigum við ekki að segja það að ferðalagið hafi setið í leikmönnum", sagði Guðlaugur Arnarsson, leikmaður Akureyris, eftir tap gegn Gróttu í dag. En þeir félagar þurftu að keyra suður vegna þess að allt flug liggur niðri um þessar mundir sökum elgosins.

Leikurinn var æsispennandi undir lokin en þreyttir Akureyringar þurftu að játa sig sigraða 29-26 á nesinu.

„Það er samt ekkert ástæðan, þeir mættu bara gríðarlega tilbúnir en við ekki. Það var nú alveg vitað mál að þeir myndi koma brjálaðir í þennan leik. Það vantaði vörn og vantaði góð skot. Þetta var bara týpíska, þeir mættu tilbúnari en við," sagði Guðlaugur að lokum.