Ferrari: Engin kraftaverk í Formúlu 1

Stefano Domenicali, framkvæmdarstjóri Ferrari segir að Ferrari hafi unnið hörðum höndum að því að skapa öflugt ökutæki fyrir árið í ár. Liðið náði ekki tilsettum árangri í fyrra.

"Það eru engin kraftaverk í Formúlu 1. Ef þú vilt smíða hraðskreiðan bíl, þá þarf marga mánaða undirbúning og svo mætum við keppinautum okkar sem hafa sömu möguleika og áræðni", sagði Domenicali framkvæmdarstjóri Ferrari á vefsíðu liðsins eftir vikuna.

"Við tökum engu sem sjálfsögðum hlut og þetta er ólíkt fótbolta, þar sem einn og einn likur má tapast. Þó við höfum náð góðum tímum á æfingum í vikunni, þá eru þetta bara æfingar. Við höfum ekkert gleymt hvar við stóðum í fyrra.

Það er mikil vinna framundan og engin veit hvaða bensínhleðslu menn voru með á æfingum. Sumir vilja kannski blekkja aðra, en aðrir mæta til leiks eins og þeir eru klæddir. Engin feluleikur í gangi."

Ferrari menn óku 1400 km á æfingum og Domenicali sagði það góða byrjun. Þá lærði liðið inn á ný Bridgestone dekk sem eru mjórri að framan en áður, en brautin í Valencia sem var notuð í vikunni reynir þó ekki mikið á dekkin.


"Alonso og Massa voru ánægður með afraksturinn og sérstaklega varðandi áreiðanleika bílanna. Þeir eru mjög áræðnir ökumenn og vita að við þurfum að vinna af kappi í að bæta bílanna og hafa lagt margar hugmyndir til að bæta bílanna."