Framarar unnu sex marka sigur á nýliðum Selfoss

Framarar unnu sex marka sigur á nýliðum Selfoss í 1. umferð N1 deildar karla í kvöld en spilað var í Framhúsinu í Safamýri. Framarar voru fjórum mörkum yfir í hálfleik, 16-12.

Framarar byrja því vel undir stjórn Reynis Þórs Reynissonar en Jóhann Gunnar Einarsson skoraði 9 mörk í endurkomu sinni í Framtreyjuna. Halldór Jóhann Sigfússon og Róbert Aron Hostert voru báðir með fimm mörk.

Ragnar Jóhannsson skoraði 12 mörk fyrir Selfyssinga en það dugði ekki til.

Fram-Selfoss 33-27 (16-12)

Mörk Fram: Jóhann Gunnar Einarsson 9, Halldór Jóhann Sigfússon 5, Róbert Aron Hostert 5, Haraldur Þorvarðarson 4, Einar Rafn Eiðsson 4, Magnús Stefánsson 3, Kristján Svan Kristjánsson 2, Hákon Stefánsson 1.

Mörk Selfoss: Ragnar Jóhannsson 12, Guðjón Finnur Drengsson 5, Helgi Héðinsson 5, Atli Kristinsson 3, Árni Steinþórsson 1, Matthías Halldórsson 1.